蘇施黃 樂園咖啡

年 輕 時 是 個 奶 茶 精 。 記 得 做 保 險 有 一 年 要 請 夠 人 ， 做 夠 數 才 可 以 升 級 做 經 理 。 同 事 為 了 鼓 勵 我 ， 在 我 房 門 前 貼 了 一 頁 紙 ， 說 如 果 我 成 功 升 做 經 理 就 請 我 飲 杯 奶 茶 。 怎 知 ， 另 一 些 同 事 見 到 又 簽 名 ， 結 果 加 紙 又 加 紙 ， 有 大 概 一 百 杯 奶 茶 等 住 我 飲 。 好 彩 ， 僅 僅 可 以 升 到 職 ！ 奶 茶 就 飲 到 嘔 ！

右 起 ： 紅 豆 冰 $13 、 紅 豆 咖 啡 $16 、 紅 豆 奶 茶 $16 、 紅 豆 鴛 鴦 $16

鹹 牛 蛋 治 $14

不 知 道 為 何 ， 到 三 十 多 歲 時 ， 一 飲 奶 茶 ， 下 午 就 開 始 作 悶 作 嘔 ， 好 似 「 有 」 ， 跟 住 一 路 到 晚 成 個 胃 都 頂 住 頂 住 ！ 初 頭 不 為 意 是 奶 茶 ， 因 為 奶 茶 日 日 都 飲 ， 飲 了 十 幾 廿 年 ， 日 日 都 冇 事 ， 為 甚 麼 昨 天 還 可 以 ， 今 日 飲 就 作 嘔 呢 ？ 後 來 大 概 一 個 月 後 才 發 現 是 杯 奶 茶 作 怪 。 從 這 時 起 我 便 戒 掉 了 心 愛 的 奶 茶 ， 不 到 你 不 信 ， 因 為 飲 了 實 在 很 辛 苦 。 原 來 有 很 多 朋 友 和 我 一 樣 ， 奶 茶 很 濃 ， 加 上 那 些 花 奶 ， 很 削 胃 。
雖 說 我 戒 了 奶 茶 ， 但 一 年 有 一 、 兩 日 我 就 會 心 思 思 去 九 龍 城 街 市 樓 上 的 熟 食 店 「 樂 園 」 食 杯 紅 豆 奶 茶 。 請 留 意 ： 係 「 食 」 ， 不 是 「 飲 」 。 「 樂 園 」 的 紅 豆 冰 有 幾 個 叫 法 。 （ 一 ） 是 我 們 常 見 的 「 紅 豆 冰 」 ， 有 冰 有 奶 。 （ 二 ） 紅 豆 咖 啡 ， 乃 是 紅 豆 在 一 杯 咖 啡 內 加 冰 ！ （ 三 ） 紅 豆 奶 茶 ， 紅 豆 在 港 式 奶 茶 內 加 冰 。 這 樣 我 可 以 食 了 ， 一 來 加 了 冰 ， 奶 茶 淡 了 ， 二 來 加 上 紅 豆 ， 奶 茶 沒 那 麼 濃 。 很 開 心 ， 又 可 以 一 嘗 當 日 的 奶 茶 。 超 好 食 。 （ 四 ） 紅 豆 鴛 鴦 ， 這 個 「 紅 豆 」 系 列 的 創 作 乃 是 由 客 人 提 供 。 有 機 會 一 定 要 一 試 ， 同 時 可 以 試 「 樂 園 」 的 鹹 牛 蛋 治 ， 亦 非 常 好 吃 ， 絕 對 醒 胃 ， 唔 會 反 胃 ！


樂 園 咖 啡
地 址 ︰ 九 龍 城 街 市 3 樓 熟 食 中 心 CF6
電 話 ︰ 2382 3367
營 業 時 間 ︰ 星 期 一 至 六 6:30am-5:30pm ， 星 期 四 至 5pm ， 星 期 日 休 息 。

蘇 施 黃 Profile

資 深 電 台 人 ， 天 生 異 「 口 」 ， 除 了 講 叻 ， 食 同 樣 嘴 刁 ， 近 年 開 咪 、 上 電 視 做 主 持 都 不 離 教 人 食 得 精 ， 吸 引 大 批 粉 絲 跟 佢 搵 食 。