覓食香港 : 相煎何太急

火 車 頭 河 粉 （ 越 式 套 餐 $42 ）

蔗 蝦 （ 越 式 套 餐 加 $10 ）

凍 鹹 檸 蜜 （ 套 餐 加 $3 ）

牛 油 雞 翼 $35/4 隻

每 次 路 過 銅 鑼 灣 景 隆 街 ， 先 被 開 滿 街 道 兩 旁 的 寵 物 店 吸 引 ， 不 期 然 的 走 過 去 ， 駐 足 在 店 子 的 玻 璃 窗 外 ， 看 那 些 小 狗 小 貓 ， 有 些 懶 洋 洋 在 睡 ， 有 些 則 似 有 過 度 活 躍 症 。 全 沒 有 購 買 意 欲 的 我 ， 卻 不 知 不 覺 一 間 睇 完 又 一 間 ， 睇 足 半 個 鐘 。

這 時 嗅 覺 忽 然 被 一 些 香 氣 吸 引 過 去 ， 是 牛 油 味 ， 還 有 牛 肉 湯 的 味 道 … … 肚 子 竟 也 隆 隆 作 響 。
信 步 循 香 味 走 過 去 ， 可 是 差 不 多 走 到 街 的 中 央 位 置 ， 你 的 聽 覺 卻 被 雜 亂 無 章 的 聲 音 污 染 了 ， 那 本 是 再 正 常 不 過 的 拉 客 叫 喚 ， 「 先 生 食 就 埋 ！ 」 隔 壁 另 一 家 店 ， 同 樣 派 出 來 站 在 門 口 的 知 客 這 時 出 言 不 遜 ， 「 先 生 ， 我 先 至 正 宗 ！ 」 如 此 這 般 為 了 我 這 一 個 客 人 ， 他 們 即 時 一 言 不 合 ， 互 相 叫 囂 ， 「 唔 知 醜 ， 都 唔 知 邊 個 先 至 正 宗 ！ 」 於 是 「 你 先 至 醜 」 ， 「 你 至 唔 知 醜 」 此 起 彼 落 ， 難 為 了 我 這 個 顧 客 ， 只 想 快 快 趣 趣 食 碗 生 牛 河 ， 隊 返 兩 隻 牛 油 ！ 點 解 會 搞 成 咁 ， 為 甚 麼 要 我 成 為 那 兩 位 知 客 小 姐 的 磨 心 ？
其 實 我 多 年 來 都 是 「 越 興 園 」 的 忠 實 支 持 者 ， 後 來 兄 弟 反 目 ， 各 立 門 戶 ， 先 是 燕 萍 再 來 一 個 清 亭 ， 真 箇 「 本 是 同 根 生 ， 相 煎 何 太 急 ？ 」 他 們 的 恩 怨 情 與 我 何 干 ？ 但 每 次 想 幫 襯 ， 先 必 要 狠 下 心 腸 ， 合 埋 眼 隨 便 走 入 一 間 ， 佯 裝 聽 不 到 那 些 不 堪 入 耳 的 對 話 ； 自 此 ， 莫 說 去 食 生 牛 河 ， 連 行 過 都 想 繞 路 走 。

這 天 ， 剛 做 完 瑜 伽 ， 從 世 貿 走 出 來 ， 明 明 是 正 午 天 ， 但 天 色 卻 十 足 暮 色 四 合 ， 而 且 下 起 雨 來 ， 沒 有 帶 雨 傘 ， 肚 子 又 餓 得 呼 嚕 呼 嚕 ， 最 方 便 莫 如 徒 步 走 過 去 景 隆 街 ， 快 吃 一 碗 生 牛 河 ， 避 雨 兼 醫 肚 。 沒 料 到 除 了 燕 萍 與 清 亭 ， 還 新 開 了 一 間 叫 「 米 桶 」 ， 愛 嘗 新 ， 這 一 次 很 自 然 地 ， 不 用 狠 下 心 腸 ， 不 走 路 的 左 邊 ， 連 跑 帶 跳 的 行 過 去 右 邊 。
論 格 局 ， 「 米 桶 」 走 「 光 猛 、 明 亮 」 路 線 ， 服 務 員 亦 擺 明 要 求 「 年 青 、 殷 勤 」 ， 店 的 座 位 則 全 是 「 排 排 坐 、 可 搭 」 ， 這 一 點 幾 乎 成 為 了 景 隆 街 特 色 。 午 市 ， 人 旺 ， 有 午 市 特 價 套 餐 供 應 ， 包 括 ： $32 的 湯 粉 餐 ， 即 生 牛 河 之 類 ， 其 次 是 $34 的 凍 檬 餐 ， 接 下 來 是 $36 的 咖 喱 套 餐 ， 最 後 是 $42 的 越 式 套 餐 ， 當 中 有 火 車 頭 河 粉 。 「 米 桶 」 的 午 市 時 間 為 11:30-17:30 ， 6 個 鐘 ， 夠 長 未 ？ 這 4 款 套 餐 包 飲 品 一 杯 ， 特 飲 加 $3 ， 另 加 $10 可 以 多 點 1 味 ： 春 卷 、 粉 包 、 炸 扎 肉 、 蒸 扎 肉 、 時 菜 、 豬 頸 肉 、 南 瓜 薄 餅 以 及 蔗 蝦 半 支 ， 共 8 款 小 食 。 我 對 火 車 頭 湯 河 及 半 支 蔗 蝦 有 興 趣 ， 再 加 $3 要 了 一 杯 凍 鹹 柑 桔 檸 蜜 。

火 車 頭 河 粉 大 概 始 自 大 坑 的 越 南 餐 廳 「 火 車 頭 」 ， 其 招 牌 菜 正 是 「 火 車 頭 河 粉 」 ， 乃 集 合 了 生 牛 肉 之 外 ， 尚 有 牛 丸 、 牛 百 葉 、 牛 腩 及 牛 筋 的 什 錦 河 粉 。 大 坑 那 一 碗 做 得 不 錯 ， 湯 精 、 粉 滑 、 用 料 精 緻 。 但 「 米 桶 」 這 一 碗 5 款 用 料 當 中 ， 3 款 好 2 款 不 夠 好 ， 好 的 是 生 牛 肉 、 熟 牛 腩 及 牛 百 葉 ， 不 好 吃 的 牛 丸 咬 下 去 標 汁 ， 汁 液 剛 好 濺 在 那 杯 凍 鹹 檸 蜜 的 杯 身 ， 不 消 三 秒 便 凍 至 變 白 ， 像 脂 肪 ， 也 像 精 液 ， 叫 人 看 了 有 點 噁 心 。 還 有 那 兩 條 硬 挺 挺 的 牛 筋 ， 不 是 說 炆 得 不 夠 腍 ， 但 外 形 完 整 無 缺 ， 剛 好 兩 顆 牛 丸 伴 在 兩 旁 ， 看 上 去 又 是 另 一 奇 觀 ， 亦 同 樣 噁 心 。 所 以 我 相 信 「 米 桶 」 的 生 牛 河 會 好 吃 ， 邏 輯 推 算 ， 對 不 對 ？
那 半 支 蔗 蝦 替 我 開 了 一 個 玩 笑 ， 因 為 蝦 膠 吃 上 去 軟 軟 一 團 ， 像 豬 肉 多 一 點 ， 比 那 個 牛 丸 的 汁 液 更 噁 心 。 後 來 想 起 牛 油 炸 雞 翼 ， 也 就 散 叫 一 客 ， $35 四 隻 ， 要 六 隻 則 要 $50 ， 雞 翼 相 當 大 隻 ， 味 道 夠 ， 可 恨 我 的 胃 只 能 夠 容 納 兩 隻 。 但 我 知 道 下 次 再 走 過 這 條 街 ， 我 不 用 再 被 人 相 煎 了 ， 想 到 這 ， 自 我 感 覺 比 翟 志 剛 更 良 好 ！

米 桶 越 南 餐 廳
地 址 ： 銅 鑼 灣 景 隆 街 19 號 地 下 3 號
電 話 ： 2117 1844