新露點 【 中環 歎意式輕食 】

IFC 近 在 咫 尺 ， 更 顯 得 高 高 在 上 。 想 像 到 面 前 大 樓 中 的 忙 碌 ， 自 己 就 在 海 邊 歎 咖 啡 ， 感 覺 真 爽 ！


香 港 禁 煙 後 ， 露 天 餐 廳 開 多 了 ， 但 有 特 色 的 ， 似 乎 要 數 近 月 新 開 幾 家 。 市 區 內 ， 想 享 受 無 遮 擋 、 感 受 大 都 會 璀 璨 的 ， 近 可 以 去 中 環 ； 或 者 過 海 去 尖 沙 咀 靜 觀 鬧 市 中 的 寧 靜 ； 遠 一 些 的 愉 景 灣 和 淺 水 灣 ， 全 新 的 露 天 餐 廳 勁 有 度 假 feel ﹗
告 別 冷 氣 ， 找 間 露 天 餐 廳 歎 天 然 涼 風 ， 坐 在 太 陽 下 ， 再 不 怕 大 汗 疊 細 汗 。


什 錦 意 式 三 文 治 $48 材 料 滿 瀉 ， 有 雞 肉 、 青 瓜 和 番 茄 等 ， 唔 會 乾 爭 爭 ， 清 新 爽 口 仲 好 juicy 。


藍 莓 芝 士 蛋 糕 $32 （ 前 ） 、 雪 山 檸 檬 批 $28 （ 中 ） 和 生 果 撻 $28 ， 香 滑 不 膩 ， 比 樓 下 Watermark 更 平 一 大 截 。


$98 自 助 沙 律 吧 內 的 熱 盤 ， 天 天 不 同 ， 如 牛 仔 柳 和 雞 扒 。 逢 星 期 五 則 提 供 酥 皮 三 文 魚 帶 子 茸 扒 。 當 中 帶 子 茸 鮮 香 ， 蓋 過 了 半 熟 三 文 魚 的 微 腥 。


Pier 7 的 大 露 台 ， 晚 上 被 中 環 璀 璨 燈 火 包 圍 ， 十 分 浪 漫 ！


沙 律 吧 上 有 十 多 款 冷 盤 選 擇 ， 全 部 由 大 廚 Pascal 監 督 主 理 。


中 環 7 號 碼 頭 Igor's 集 團 旗 下 的 Watermark 望 盡 維 港 景 ， 但 似 乎 嫌 唔 夠 震 撼 ， 最 近 在 頂 樓 開 多 間 Pier 7 ， 佔 埋 另 一 邊 中 環 大 樓 景 。 走 出 過 千 呎 的 露 台 ， IFC 、 中 銀 和 匯 豐 近 在 眼 前 ， 比 在 對 岸 觀 看 有 氣 勢 。 旁 邊 鐘 樓 懷 舊 的 「 叮 噹 」 聲 ， 更 不 時 響 起 ， 晚 上 襯 璀 璨 燈 光 ， 特 別 浪 漫 ！
中 環 靚 場 ， 又 有 碼 頭 頂 樓 做 噱 頭 ， 似 乎 消 費 係 五 星 級 酒 店 享 受 。 一 睇 餐 牌 ， 好 意 外 ﹗ 午 餐 $98 有 自 助 沙 律 吧 任 食 ； 湯 、 甜 品 、 飲 品 和 三 文 治 都 係 $48 ， 食 環 境 都 抵 番 晒 。 而 且 Pier 7 由 Watermark 大 廚 Pascal 主 理 ， 食 物 質 素 有 保 證 。 覺 得 有 點 可 惜 的 是 ， 餐 廳 供 應 三 文 治 和 沙 律 等 輕 食 為 主 ， 每 日 只 有 一 、 兩 道 熱 盤 ， 在 和 暖 陽 光 下 ， 輕 食 加 杯 Latte ， 本 來 寫 意 至 極 ， 但 想 來 個 豐 富 晚 餐 ， 就 比 較 困 難 。 不 過 Pier 7 夜 景 無 敵 ， 變 身 蒲 點 ， 海 風 中 飲 杯 馬 天 尼 都 夠 歎 ﹗



Pier 7
地 　 　 址 ： 中 環 7 號 天 星 碼 頭 頂 層
電 　 　 話 ： 2167 8377
營 業 時 間 ： 10am-12mn
泊 　 　 車 ： IFC $24/ 小 時
平 均 消 費 ： $150